तथ्माङ्क ऐन, २०१५ अन्तर्गत तथ्याङ्क सङ्कलन, सङ्ग्रह, प्रशोधन, विश्लेषण, प्रकाशन र प्रसारका लागि केन्द्रीय निकायको रुपमा वि.सं. २०१५ सार पुष १७ गते केन्द्रीय तथ्याङ्क विभागको स्थापना भएको थियो। यो विभाग मातहत रहेर २०५० सालमा ७५ वटै जिल्ला हेर्ने गरि ३३ वटा शाखा तथ्याङ्क कार्यालयको स्थापना गरिएको थियो । यस कार्यालयले मुख्यतया जनगणना र सर्वेक्षणमार्फत समयसापेक्ष र भरपर्दो सामाजिक-आर्थिक तथ्याङ्कहरु उत्पादन गर्दै आएको तथ्य स्मरणीय छ । विक्रम संबत २०७९ भाद्र २८ मा नयाँ तथ्याङ्क ऐन, २०७९ जारी गरियो। यस ऐनले विगतको केन्द्रीय तथ्याङ्क विभागलाई राष्ट्रिय तथ्याङ्क कार्यालयमा स्तरोन्नति गर्ने प्रावधान राख्यो । फलस्वरुप विक्रम सम्बत २०७९ आश्विन २७ गते राष्ट्रिय तथ्याङ्क कार्यालयको स्थापना भयो । हाल राष्ट्रिय तथ्याङ्क कार्यालय अन्तर्गत देशका ७७ वटै जिल्ला हेर्ने गरि विक्रम संबत २०८१ साल साउन १ गते १८ वटा तथ्याङ्क समन्वय कार्यालय स्थापना भएका छन । विगतमा तथ्याङ्क कार्यालयको नेतृत्व तथ्याङ्क अधिकृत (राजपत्राङ्कित तृतीय श्रेणी) बाट भएको थियो भने हाल तथ्याङ्क समन्वय कार्यालयको नेतृत्व तथ्याङ्क समन्वय अधिकारी (राजपत्राङ्कित द्वितीय श्रेणी) बाट भैरहेको छ। यस कार्यालयले तथ्याङ्क प्रदायक, तथ्याङ्क उत्पादक र प्रयोगकर्ताहरु वीच निरन्तर सहकार्य र सु-सम्बन्ध राख्दै आएको छ। हाल यस कार्यालयको कार्यक्षेत्र बागमती प्रदेश अन्तर्गतका काभ्रेपलाञ्चोक, सिन्धुपाल्चोक, दोलखा र रामेछापका ४२ वटा पालिका रहेकाे छ ।